عليمن جاي تبجي وأدري شتريـد
شو ظليــت واكَف گلي شمتاني .؟
تره كَلّبي انترس من عندك اعذار
تخلص من عذر وتكَلي على الثاني
خلصّت العمـرويـاك بالحسـرات
من غيرالزمان البيــك وازانــي .
ما اعتب عليـك من العتب مرفوع
اعتب عالبخــت چيه بيك دلانـي
انه الضّيعت ربعي وباقي بس وياك
وهسه تكَلي تاني .! اعذرني ماتاني
چنتلك ضحكه تلعب بين الحچايات
واذا تحتاج تبچي دمــوع تلگاني
على كيفك عليّ هذا الكَلب ملچوم
حمامة بنص ذيابة شوم خلاني
صرت يوسف زمانـي وبيك شفت البير
وصفت روجات غدرك چنهن اخوانـي
صرتلك شمعـه تضوي وحضن تالي الليل
الوليلك چنت تغفى على ذرعـاني
صحتلك وسمعت چا ليش ما رديـت
مو كبّر وكت مغربكم آذانــي
المن جاي گلي وشّصلافه البيـك .؟
آنه ويآك ابشرك مات شيـطاني
الجمعة أغسطس 29, 2008 1:16 am
