بسم الله الرحمن الرحيم
شلونكم شباب اني من ضوجتي من الغربة ردت اكلكم شكم حجاية ارجو ان تتقبلوا مشاعري
طبعا الغربة ما تنراد
ناديت ... من الغرب محد سمع صوتي
لا ابوي لا امي لا اخوتي لا صحبتي
بالغربة احسن مختنك واريد ابجي
واصرخ باعالي صوتي
ومرات احس انتهت روحي وكرب موتي
اني وجنطتي رحلت والدمعة بعيوني
لا اخو المني جزع لا اهلي ملوني
عفت الدلال ورحت للغربة نص الليل
دكيت باب الغرب والمايعرفوني
والما يعرفك ما يثمنك والمجربك يئمنك
درت الشواع مشي والحيرة قدامي
وضنتي بهذا المشي تتحقق احلامي
ثاري الشوارع ماهي النا والوجوه ماهي وجوه اهلنا
شجابني للغرب ليش تركت بيتي
يا قيمتي عد هلي ويا سمعتي وصيتي
اني الي جنت للضهر متهني بنومي
وحتار وكت العصر شلبس من هدومي
راسلت مرة هلي وردت انطي عنواني
وبالغربة ابن من اني وياهو التلكاني
ياروحي منهم هلي وشكد رقم بيتي
ومن اجي انه تعبان ياهو التلكاني
سافرت واني ابتسم وبقلب اهلي النار
يبجون هلي عليه واضحك وكول شصار
هنا اسكن دار انه وهناك اسكن دار
هنا جاري انه وهناك الكه الجار
سافرت وشسافرت ياريتني ما سافرت
ليت الجره ماصار
غربه وندامه والم والجار ياكل جار
والناس مثل الحجر وعيونهم بسمار
باجر انه من الصبح راجع لأهلي رجوع
وانسه الصار والجره واقفل على الموضوع
بس شباب خلي اكلكم مو تصدكون اني كلت راح ارجع بعدني موجود
واتمنة انه ارجع بس لولا المدرسة بعد شنسوي لازم
تحياتي الكم بس ارجوكم ارجوكم لتبجون
السبت أكتوبر 18, 2008 11:25 am
