وهذا مرق ناكله مع الرز لكنه مرق اخضر مو احمر مثل اي مرق ثاني
يلله بسم الله
المقادير
حزمتين سبانخ
حزمة بقدونس
حزمة كزبرة
حزمة كرفس
حزمتين بصل اخضر او كراث
حزمة شبت اخضر او ملعقتين شبت يابس
ملعقتين حلبة يابسة
بصلة صغيرة
لوبيا يابسة
لحم غنم مغ العظم
ملح وبهارات لسلق اللحم
ليمون عماني مطحون
معجون طماطة
الطريقة
تسلقين اللحم مع الملح والبهارات
تسلقين اللوبيا
تفرمين كل الخضروات والبصل
تحمسين البصل ثم تضيفين الخضروات اليابسة وتحمسيها شوية ثم اللحم وتحمسيه سريع ثم تضيفين الخضروات الخضراء وتظلين تحمسيها الى ان ينشف مايها
تهدين النار وتظلين رايحة جاية عليها كل شوية تحمسيها الى ان يتغير لونها
تضيفين ماي اللحم واللوبيا المسلوقة واذا احتجت ماي اللوبيا استعمليه حسب قوام المرق
وتضيفين المعجون بس قليل مو مثل اي مرق لان هذا المرق اخضر مو احمر
وتضيفين الليمون المطحون حسب الرغبة
وممكن تسويها حارة بزيادة البهارات او انك تحطين فيها فلفل حار مفروم
وبعدين تهدين النار جدا وتغطيها وتتركيها نص ساعة او اقل
وتؤكل ويه الرز
وبالعافية ان شاء الله
الجمعة سبتمبر 19, 2008 12:48 am
